 |
фикирлеринде бири-бирине уялар http://www.creationism.org/crimean/BibleSci_crh.htm Чокъ йыллар девамында алимлер илим меселесинде янълышлар япа эдилер. Амма Мукъаддес Китап янълышлар япмагъан, аксине, озь ильмий тамлыгъыны ачыкъ косьтерген. Мукъаддес Китап бутюнлей ильмий метин олмаса да, онда пек чокъ ильмий малюмат анъыла. Ве бу анъылгъан малюмат, илимге бакъкъанда, эр вакъыт догъру чыкъа! |
|
|
|
|
| Бутюн дюньяда тек 1 000 – 1 200 йылдыз бар. | Йылдызларнынъ сайысы –триллионлар; инсаннынъ оларны саймагъа чареси ёкъ! | Йирмея 33.22а: «Кок ордусы сайылмаз…» |
| Ер сейяресининъ шекли тегиз. | Ер сейяресининъ шекли тёгерек. | Ешая 40.22а: «О, ер тёгерегининъ устюнде отура…» |
| Ярыкъ арекет этмей, о, тек бар. | Ярыкъ эм арекет эте, эм онынъ бир къач физик хусусиетлери бар; ярыкънынъ «далгъалары» я да фотонлары бар. | Эюп 38.19а: «Ярыкъ булунгъан ерге ёл къайда?» |
| Къыбырдамагъан дюнья назариеси; онда йылдызлар тек булуналар. | Эр йылдыз озюне хас; йылдыз такъымларында оларны бири-бирине чеккен кучьлер бар. | Эюп 38.31: «Улькер йылдызларыны багълап олурсынъмы? Орионнынъ багъларыны чезерсинъми?» |
| Адамнынъ алы даа яхшыджа олмакъ ичюн, ондан «ярамай» къанны акъызмакъ керек. | Къан яшайыш ичюн пек кереклидир; базыда адамгъа къан бермек ичюн, донорлар керек. | Левийлилер 17.11а: «Теннинъ джаны къандадыр». |
| Аванынъ чекиси ёкъ; ава тек бар. | Оксигеннинъ, азотнынъ, комюршедже эки окислигининъ атом чекиси бар, ве оны чекмеге чареси бар. | Эюп 28.25а: «Ельге чекисини бергенде…» |
| Еллер бутюн Ерден догъру эселер. | Ава акъымлары буюк спираль шеклинде юрелер. | Джемаат Башы 1.6б: «Ель айланыр-айланыр ве озь ёлуна къайтыр». |
| Ер сейяреси биревнинъ сыртында ята. | Ер сейяреси бошлукъта авелей. | Эюп 26.7б: «…ич бир шейнинъ устюне дюньяны асты». |
| Адамлар хаста олалар; къол ювмакънынъ эмиети ёкъ. | Хасталыкъларнынъ буюк сайысы къол токъунувынен джайрай; къолларны акъкъан сувнен ювмакъ керек. | Левийлилер 15.13б: «Сонъ о, урбаларыны ювсун. Озь беденини о, чокъракъ сувунен ювмакъ керек». |
| Йылдызлар бири-бирине ошай. | Эр бир йылдыз озюне хас. | 1 Коринтлилерге 15.41б: «Шуретине коре йылдыз йылдыздан фаркъ эте». |
| Бир шей себепсиз олып чыкъты – «Буюк Патлав» гъаеси. Ба-бах, бир шей патлады, ве азыр дюнья олып чыкъты! | Эр арекет акс арекетни догъура; бу – акъикъий илимдир. Себеп ве нетидже къануны. Бир шей алмакъ ичюн, бир шей бермек керек. | Башланув 1.1: «Башта Алла коклерни ве ерни яратты». |
Юнан алими Клавдий Птолемей (къарарнен м.с. 150 с.) пек акъыллы олса да, бутюн дюнья Ернинъ этрафында айлангъаны акъкъында янълыш огрете эди. Бу янълыш. Лякин о вакъыттаки алимлер бунъа бинъ йылдан зияде инана эдилер. Алимлер айта эди ки, дюнья Ернинъ этрафында айлана эди; олар башкъа окъумышлы адамларны, земаневий авропалы диний ве девлет башлыкъларны да бунда къандыра эдилер. (Мукъаддес Китап исе буны айтмай.) Догъру эди ки, янълыш алимлер бири-биринен келиштилер ве сонъра, къарарнен м.с. 1400 йылында, Коперник ве Галилейге къаршы чыкъмагъа башкъаларны да къандырдылар. Галилей косьтерди ки, бинъ йылдан зияде алимлернинъ фикирлери янълыш олгъан.
Галилей дин ве илимнинъ къаршылыгъынынъ мисали олмай, тездже «Галилей вакъиасы» акълы олмагъан алимлернинъ бири-биринен разылыгъынынъ мисали ола. Сонъра олар башкъаларны да къандырдылар, ве олар бу янълыш гъаесине инандылар.
Дин бизни акъикъаткъа якъынлаштырса, хайыр олмакъ мумкюн…
Илим де бизни акъикъаткъа якъынлаштырса, хайыр олмакъ мумкюн…
Галилей заманындаки алимлер киби, бугуньки алимлер де, инсан олып, базыда янълышалар. Унутманъыз ки, башкъаларны янълыш тюшюнген алимлер къандырдылар, ве олар дюнья Ернинъ этрафында айлангъанына инандылар.
Эм де акъылда тутунъыз ки, алимлер астрологияны астрономиядан айырмай эди. Бундан гъайры, алимлер химияны алхимиянен къараштыра эдилер ве бойле этип, чокъусыны алдата эдилер. Шунынъ ичюн, тарих девамында алимлер ильмий меселелерде сыкъ-сыкъ янълышкъан олсалар да, Мукъаддес Китап догъру ве мантыкълы къала. Бугунь эволюция тарафдарлары озь инанчларыны алимлернинъ фикирлеринен къарыштыралар. Акъикъий илим эволюциянынъ янълыш олгъаныны косьтергенде де, олар буны эп япа берелер. Мукъаддес Китап исе денъишмейип бутюн вакъыт девамында бизим асыл олгъанымыз акъкъында догърусыны айта эди. Башланув китабында 1.1 бойле язылгъан: «Башта Алла коклерни ве ерни яратты».
Эволюциянынъ тарафыны туткъан алимлер кене де илим акъкъында янълыш тюшюнелер; Мукъаддес Китап исе озь догърулыгъыны ве акъикъийлигини эп косьтере бере.
Къошма малюмат акъкъында ссылкалар
"Hidden Treasures in the Biblical Text" by Chuck Missler, c. 2000. Published by Koinonia House, 120 pages. ISBN 1-57821-127-1
"Scientific Facts in the Bible" by Ray Comfort, c.2001. Published by Bridge-Logos Publishers, 95 pages. ISBN 0-88270-879-1
"The Vanishing Proofs
of Evolution" by Thomas F. Heinze. Published by Chick Publications,
94 pages. ISBN 0-758905-70-X
|
|
 |
|